Fjarvinna - Auðveldum flæði gjaldeyris til landsins

Sérstaklega þar sem dalurinn og aðrir miðlar verða háir næstu árin, ætti að setja á fót nefnd sem rannsakar hvað sé hægt að gera á sanngjarnan hátt til þess að hvetja einstaklinga erlendis til að flytja til Íslands og starfa fyrir erlend fyrirtæki í fjarvinnu.  Það þýðir að þeir taka ekki starf frá einum eða neinum, koma jafnvel með fjármagn til landsins, fá greitt erlendis frá, greiða skatta í íslenska sjóði og velta tekjum sínum út í efnahagskerfið. 

Það gerist æ auðveldara tæknilega séð að búa hvar sem er í heiminum og vinna fyrir aðila hvar sem er á hnettinum.  Það er töluvert af Íslendingum erlendis, Íslendingar með erlendan maka, sem og aðrir útlendingar með góða menntun sem hafa áhuga á að búa á Íslandi í lengri eða skemmri tíma.  Það þarf að endurskoða íbúaréttindi, skattamál og búslóðaflutningsmál í þessu samhengi til að gera þennan straum fýsilegan.  Þetta myndi mest verða fólk með góða menntun sem getur unnið heima frá sér og er því ekki að menga eins mikið á götum landsins eins og þeir sem þurfa að fara á vinnustað.  Svo er afar líklegt að þessir aðilar muni fá heimsóknir erlendis frá og eru það vissulega góðar tekjur í viðbót.  Það er erfitt að finna nokkuð neikvætt við þetta dæmi, allt jákvætt og ætti að undirbúa og auglýsa það erlendis sem allra fyrst.

Ef 100 aðilar með 10 milljón krónur í laun á á ári kæmu til landsins á næstu 5 árum og hver af þeim kæmu með um amk 5 millur með sér að meðaltali frá sölu eigna erlendis, þá gæti verið um að ræða kannski 10 milljarða króna í erlendum gjaldeyri inn í landið á þessum 5 árum.  Betra en ekki neitt!

Dollarinn ekki undir 100 krónum

Athugasemdir

[Mama G, 7.5.2009 kl. 18:39]

Þetta líkar mér. Fólk sem hugsar í lausnum  Vonandi nær þessi hugmynd eyrum þeirra sem hafa eitthvað með þessi mál að segja.